ដើរឆ្លុះកង្កែបហ៊ីងពេលកំពុងភ្លៀងរន្ទះបាញ់ស្លាប់
16-May-2016 | ដោយ មែន កំសត់
ខេត្តបន្ទាយមានជ័យ ៖បុរសម្នាក់ត្រូវរន្ទះបាញ់ចំបណ្តាលឲ្យ ស្លាប់យ៉ាងអណោចអធ័មកណ្តាលយប់ ខណៈបុរសរងគ្រោះបានដើរឆ្លុះកង្កែប និងហ៊ីង។ ហេតុការណ៍នោះ បានកើតឡើងនៅចំណុចខាងត្បូងចម្ងាយ ២០០ម៉ែត្រ ពីភូមិសំបួរ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ កាលពីយប់ថ្ងៃទី១៥ ខែឧសភា ឆ្នាំ២០១៦។
ប្រភពព័ត៌មានពីនគរបាល ស្រុកភ្នំស្រុក បានឲ្យដឹងថា ជនរងគ្រោះឈ្មោះ ចិន ទូច ភេទប្រុស អាយុ ៥២ឆ្នាំ នៅភូមិសំបួរ ឃុំប៉ោយចារ ស្រុកភ្នំស្រុក ខេត្តបន្ទាយមានជ័យ។ នៅយប់កើតហេតុមេឃមានភ្លៀងធ្លាក់យ៉ាងធំមួយមេជនរងគ្រោះបាន ចេញពីផ្ទះ ទៅដើររកចាប់ហ៊ីងនិងកង្ហែប។ លុះនៅវេលាម៉ោង៣ទាបភ្លឺ ថ្ងៃដដែល ស្រាប់គេប្រទះឃើញសព ជនរងគ្រោះដេកស្លាប់ នៅវាលស្រែខាងត្បូងភូមិ ទើបមានការភ្ញាក់ផ្អើល។ សពជនរងគ្រោះត្រូវបានក្រុមគ្រួសារចាត់ចែងធ្វើបុណ្យ តាមប្រពៃណី៕
ចំនួនអ្នកទស្សនា
- ថ្ងៃនេះ9891
- ម្សិលមិញ20231
- សប្តាហ៍នេះ88971
- ខែនេះ110851
- ឆ្នាំនេះ110851
- សរុប20553307